Vojvoda i gëzohet golit të Rashicës: Qikjo bre dajë

epa07086713 Kosovo's Mergim Vojvoda (L) in action against Malta's Juan Corbalan (R) during the UEFA Nations League match between Kosovo and Malta in Pristina, Kosovo, 11 October 2018. EPA/VALDRIN XHEMAJ

17:11 | 27 Qershor 2020
A. B.

Mbrojtësi anësor i Kosovës, Mërgim Vojvoda, i është gëzuar golit të shënuar nga Milot Rashica në ndeshjen kundër Kolnit. Ai e shpërndau një video të atij goli në llogarinë e tij në Instagram, për ta shprehur përkrahjen për bashkëkombësin e vet.

Kosovari Milot Rashica ishte njëri ndër tre futbollistët që kontribuuan me nga një gol në pjesën e parë të ndeshjes mes Werder Bremenit dhe Kolnit, që po zhvillohet në ditën finale të këtij sezoni të Bundesligës, transmeton Gazeta Express.

Në minutën e 27-të të ndeshjes, Rashica dribloi mbrojtësit e klubit kundërshtar dhe arriti ta shënojë një gol të bukur, duke i dhënë kështu fund ecurisë prej 17 ndeshjeve të ligës pa shënuar gol.

Këtij goli iu gëzua bashkëlojtari i Rashicës në ekipin kombëtar të Kosovës, Mërgim Vojvoda, i cili e publikoi një video nga shtëpia e tij.